மன்னாரில் சிறிலங்கா இராணுவ ஆழ ஊடுருவும் அணியினரது நடவடிக்கைகள் முறியடிப்பு

[புதன்கிழமை, 06 பெப்ரவரி 2008] மன்னார் பெரியபண்டிவிரிச்சான், வலயன்கட்டு ஆகிய இடங்களில் கிளைமோர்த் தாக்குதல் நடத்த வந்த சிறிலங்கா இராணுவத்தின் ஆழ ஊடுருவும் அணியினரது நடவடிக்கைகளை தமிழீழ விடுதலைப் புலிகள் முறியடித்தனர். வலயன்கட்டுப் பகுதியில் நேற்று செவ்வாய்க்கிழமை முற்பகல் 9:00 மணியளவில் சிறிலங்கா இராணுவத்தினரின் ஊடுருவல் நடவடிக்கை முறியடிக்கப்பட்டு அவர்கள் இழப்புக்களுடன் விரட்டியடிக்கப்பட்டனர். இதில் 3 கிளைமோர்கள், அதற்கான வெடிஅதிர்வு கடத்தி, தொலைஇயக்கி ஆகியன விடுதலைப் புலிகளால் கைப்பற்றப்பட்டுள்ளன.. பெரியபண்டிவிரிச்சான் பகுதியில் நேற்று மாலை 4:00 மணியளவில் தாக்குதல் நடத்தவந்த சிறிலங்காப்படையினரின் தாக்குதல் நடவடிக்கை முறியடிக்கப்பட்டு படையினருக்கு இழப்புக்கள் ஏற்படுத்தப்பட்டுள்ளன.