[வியாழக்கிழமை, 14 பெப்ரவரி 2008] மன்னார்- மணலாறு- முகமாலை களமுனைகளில் கடந்த 70 நாட்களில் தமிழீழ விடுதலைப் புலிகளின் பொறிவெடிகள் மற்றும் மிதிவெடிகளில் சிக்கி சிறிலங்காப் படையினர் 44 பேர் உடலுறுப்புக்களை இழந்துள்ளனர். 8 பேர் கொல்லப்பட்டுள்ளனர். மணலாறு- மன்னார்- முகமாலை களமுனைகளில் விடுதலைப் புலிகள் பொறிவெடிகள் மற்றும் மிதிவெடிகள் ஆகியவற்றை வைத்து வகுத்து வருகின்ற வியூகங்கங்களில் சிறிலங்காப் படையினர் சிக்கி இழப்புக்களைச் சந்தித்து வருகின்றனர். களமுனைகளில் விடுதலைப் புலிகளின் பொறிவெடிகள் மற்றும் மிதிவெடிகள் என்பவை தமது களமுனை நகர்வுகளில் நெருக்கடிகைள கொடுத்துள்ளதனை யாழ். மற்றும் வவுனியா சிறிலங்காப் படைத்தளபதிகள் ஊடகங்களில் தெரிவித்துள்ளனர். இக்களமுனைகளில் விடுதலைப் புலிகளின் பொறிவெடிகள் மற்றும் மிதிவெடிகளில் சிக்கி கடந்த 70 நாட்களில் 44 படையினர் உடலுறுப்புக்களை இழந்துள்ளனர். 8 படையினர் கொல்லப்பட்டனர். இரண்டு நாட்களுக்கு ஒருவர் என்ற வீதத்தால் இந்த இழப்புக்கள் ஏற்பட்டுள்ளன. இந்த இழப்புக்கள் சிறிலங்காப் படையினரால் வெளியிடப்பட்ட இழப்பு விபரங்களில் இருந்து திரட்டப்பட்டவை ஆகும். விடுதலைப் புலிகளின் பொன்னம்மான் கண்ணிவெடிப் பிரிவினரின் பொறிவெடிகள் மற்றும் மிதிவெடிகளின் வியூகங்கள் சிறிலங்காப் படையினருக்கு பெரும் அச்சத்தையும் உளவுரண் நெருக்கடிகளையும் கொடுத்துள்ளன. இந்த 70 நாட்களில் மன்னார் களமுனையில் பொறிவெடிகள் மற்றும் மிதிவெடிகளில் சிக்கி 5 படையினர் கொல்லப்பட்டுள்ளனர். 36 படையினர் உடலுறுப்புக்களை இழந்துள்ளனர். முகமாலைக் களமுனையில் 3 படையினர் கொல்லப்பட்டனர். 7 படையினர் உடலுறுப்புக்களை இழந்தனர். மணலாற்றில் படைத்தரப்பைச் சேர்ந்த ஒருவர் உடலுறுப்பை இழந்தார்.
Thursday, February 14, 2008
Subscribe to:
Post Comments (Atom)
0 kommentarer:
Post a Comment
உங்களுடைய கருத்தை தெருவிக்கவும்!
நீங்கள் உங்கள் கருத்தை எழுதும் பொழுது தயவுசெய்து முடிந்தவரை தமிழில் எழுதவும்.