[வியாழக்கிழமை, 01 நவம்பர் 2007] முகமாமலைப் பகுதியில் சிறிலங்காப் படையினர் மேற்கொண்ட முன்நகர்வுத் தாக்குதலை தமிழீழ விடுதலைப் புலிகள் முறியடித்து படைத்தரப்புக்கு இழப்புக்கள் ஏற்படுத்தப்பட்டுள்ளன. இதில் படைத்தரப்பைச் சேர்ந்த ஒருவர் கொல்லப்பட்டுள்ளார். பெருமளவிலான ஆட்டிலறி- மோட்டார் எறிகணைச் சூட்டாதரவுடன் இன்று வியாழக்கிழமை அதிகாலை 3:00 மணியளவில் முகமாலை கண்டல்வெளிப்பகுதிகள் ஊடாக சிறிலங்காப் படையினர் பெருமெடுப்பில் முன்னேற முயற்சி மேற்கொண்டனர். இம் முன்நகர்வுக்கு எதிராக விடுதலைப் புலிகள் தீவிர எதிர்த்தாக்குதலை நடத்தினர். 1:30 மணிநேரம் கடும் மோதல் நடைபெற்றது. இதில் படைத்தரப்பைச் சேர்ந்த ஒருவர் கொல்லப்பட்டார். பலர் படுகாயமடைந்துள்ளனர். இந்நிலையில் படையினர் அவர்களின் பழைய நிலைகளுக்கு விரட்டியடிக்கப்பட்டனர். மீண்டும் இன்று பிற்பகல் 2:00 மணிக்கு முகமாலை முன்னரங்க நிலைகள் மீது தாக்குதல் நடத்த வந்த படையினர் மீதும் கடும் எதிர்த்தாக்குதலை விடுதலைப் புலிகள் மேற்கொண்டனர். இத்தாக்குதல் 30 நிமிட நேரம் நடைபெற்றது. இரு சம்பவங்களிலும் விடுதலைப் புலிகள் தரப்பில் எதுவித இழப்புக்களும் ஏற்படவில்லை. இன்று பிற்பகல் நடைபெற்ற தாக்குதலின் போது சிறிலங்கா வான்படையின் எம்ஐ-24 ரக உலங்குவானூர்திகள் செறிவான பீரங்கித் தாக்குதலை நடத்தியுள்ளன. பிற்பகல் தாக்குதலும் விடுதலைப் புலிகளால் முறியடிக்கப்பட்டு படைத்தரப்புக்கு இழப்புக்கள் ஏற்படுத்தப்பட்டுள்ளன.
Thursday, November 01, 2007
Subscribe to:
Post Comments (Atom)
0 kommentarer:
Post a Comment
உங்களுடைய கருத்தை தெருவிக்கவும்!
நீங்கள் உங்கள் கருத்தை எழுதும் பொழுது தயவுசெய்து முடிந்தவரை தமிழில் எழுதவும்.