[வியாழக்கிழமை, 24 செப்ரெம்பர் 2009]மேலும் ஒரு லட்சம் பேரை சோதனைகளுக்கு உட்படுத்த வேண்டியிருப்பதாலேயே மீள்குடியமர்வுப் பணிகள் தாமதமடைகின்றன எனவும் அது குறிப்பிட்டுள்ளது.
"இப்போது நடைபெற்றுவரும் வடிகட்டல் சோதனைகளும் மக்களைப் பதிவு செய்யும் நடவடிக்கைகளும் தவிர்க்க முடியாதவை" என சிறிலங்கா வெளிவிவகார அமைச்சர் ரோகித போகல்லாகம தெரிவித்தார்.
டென்மார்க் மற்றும் அவுஸ்திரேலிய நாடுகளின் வெளிவிவகாரத்துறை அமைச்சர்களை நேற்று நியூயோர்க்கில் சந்தித்துப் பேசியபோதே போகல்லாகம இதனைத் தெரிவித்தார்.
சோதனை மற்றும் விசாரணை நடவடிக்கைகள் மூலம் நாட்டின் பாதுகாப்புடன் தொடர்புடைய முக்கியமான தகவல்கள் வெளிவருவதாகவும் அவர் அந்தச் சந்திப்பின் போது கூறி உள்ளார்.
முக்கியமாக விடுதலைப் புலிகளால் புதைத்து வைக்கப்பட்டு இன்னும் கண்டுபிடிக்கப்படாத ஆயுதங்கள் குறித்த தகவல்கள் விசாரணைகளில் தெரியவருவதாகவும் அவர் குறிப்பிட்டுள்ளார்.
இது வரைக்கும் 162,000 மக்கள் சோதனைகளுக்கு உட்படுத்தப்பட்டுள்ளார்கள் எனவும் இன்னும் ஒரு லட்சம் பேரைச் சோதனைகளுக்கு உட்படுத்தவேண்டி இருக்கிறது எனவும் அமைச்சர் போகல்லாகம வெளிநாட்டு அமைச்சர்களுக்கு விளக்கினார்.
இடம்பெயர்ந்த மக்களை மீளக்குடியமர்த்தும் விடயத்தில் சிறிலங்கா அரசு எதிர்கொள்ளும் பிரச்சினைகளை அனைத்துலக சமூகம் புரிந்துகொள்ள வேண்டும் எனவும் அவர் கேட்டுக் கொண்டார்.
பெரும் எண்ணிக்கையான மக்களைத் தொடர்ந்தும் முகாம்களில் அடைத்து வைத்திருப்பது ஆபத்தானது என எச்சரித்த டென்மார்க் வெளிவிவகார அமைச்சர் பேர் ஸ்டிக் மேல்லர், அவர்கள் தமது சொந்த இடங்களுக்குத் திருப்பி அனுப்பி வைக்கப்பட வேண்டியது மிக முக்கியம் என்றும் தெரிவித்தார்.
இந்தச் சந்திப்பின்போது, அவுஸ்திரேலியாவுக்கு சிறிலங்கா மக்கள் கடத்தப்படுவதைத் தடுப்பதற்கு கொழும்பு எடுத்த நடவடிக்கைகளை அந்த நாட்டின் வெளிவிவகார அமைச்சர் ஸ்டீபன் சிமித் பாராட்டினார் என சிறிலங்கா வெளிவிவகார அமைச்சு விடுத்த அறிக்கை தெரிவிக்கிறது.
அடுத்த ஆண்டு தொடக்கத்தில் அவுஸ்திரேலிய வெளிவிவகார அமைச்சர் சிறிலங்காவிற்கு பயணம் மேற்கொள்ள உள்ளார் எனவும் அறிக்கை கூறுகின்றது.
0 kommentarer:
Post a Comment
உங்களுடைய கருத்தை தெருவிக்கவும்!
நீங்கள் உங்கள் கருத்தை எழுதும் பொழுது தயவுசெய்து முடிந்தவரை தமிழில் எழுதவும்.