[புதன்கிழமை, 7 மார்ச் 2007]
தமிழீழ விடுதலைப் புலிகளினால் தடுத்து வைக்கப்பட்டிருக்கும் சிறிலங்கா அரச படைகளைச் சேர்ந்த ஐந்து பேரைப் அவர்களது உறவினர்கள் பார்வையிட்டுள்ளனர். கைதிகளைச் சந்திப்பதற்காக அவர்களது உறவினர்கள் செஞ்சிலுவைச் சர்வதேசக்குழு ஊடாக இன்று கிளிநொச்சிக்கு அழைத்து வரப்பட்டு இச் சந்திப்பு இடம்பெற்றுள்ளது.
கடந்த ஆண்டு ஒக்ரோபர் 11ஆம் திகதி முகமாலையில் இடம்பெற்ற சமரில் இராணு வத்தைச் சேர்ந்த ஒருவரும் நவம்பர் மாதம் 9ஆம் திகதி வடமராட்சி கிழக்கு கடற்பகுதி யில் இடம்பெற்ற கடற்சமரின்போது நான்கு கடற்படையினரும் விடுதலைப் புலிகளால் கைது செய்யப்பட்டிருந்தனர்.
முகமாலையில் இடம்பெற்ற சமரின் போது விடுதலைப்புலிகளால் சிறைப்பிடிக்கப்பட்டவரான சமந்த வீரசிங்க (வயது 18) என்ற சிறிலங்காப் படையைச் சேர்ந்தவரும் வடமராட்சி கிழக்குக் கடலில் பயிற்சியில் ஈடுபட்டிருந்த தமிழீழ விடுதலைப்புலிகளின் கடற்புலிகளின் மீது சிறிலங்கா கடற்படையினர் வலிந்த தாக்குதலை மேற்கொண்டனர் இதற்கு பதில் தாக்குதல் தொடுத்தனர் கடற்புலிகள் இத் பதில் தாக்குதலின்போது நான்கு சிறிலங்கா கடற்படையினர் சிறைப்பிடிக்கப்பட்டமை குறிப்பிடத்தக்கது. இத் தாக்குதலின் போது சிறைப்பிடிக்கப்பட்ட நுவரெலியாவைச் சேர்ந்த இந்திக்கா பிரியகுமுற (வயது30)இ கலேவெலவைச் சேர்ந்த சமிந்த குமார ஹெவகே (வயது 28) அனுராதபுரத்தைச் சேர்ந்த கமல் ஹெமந்த குமாரசிறீ (வயது 26) மாத்தறையைச் சேர்ந்த அனில் பிரியங்க மடதெனியா (வயது 26) ஆகிய கடற்படையினரும் விடுதலைப் புலிகளினால் சிறைப்பிடிக்கப்பட்டு தடுப்புக்காவலில் வைக்கப்பட்டுள்ளமை குறிப்பிடத்தக்கது.
இச் சந்திப்பானர் இன்று காலை 11.00மணியளவில் ஆரம்பித்து 2.30 மணிவரை இடம்பெறவுள்ளது. இச்சந்திப்பில் கலந்துகொண்ட சிறிலங்காப் படையினரின் பெற்றோர்களும் உறவினர்களும் கருத்துத் தெரிவிக்கையில் அரசாங்கம் எமது பிள்ளைகளை விடுவிக்க எந்தவித முயற்சிகளை எடுக்கவில்லை எனவும் அவர்கள் விடுதலைப்புலிகளின் பராமரிப்பில் மிகவும் நலமாகவும் மகிழ்ச்சியாகவும் இருப்பதாகவும் குறிப்பிட்டனர்.
0 kommentarer:
Post a Comment
உங்களுடைய கருத்தை தெருவிக்கவும்!
நீங்கள் உங்கள் கருத்தை எழுதும் பொழுது தயவுசெய்து முடிந்தவரை தமிழில் எழுதவும்.