தென்மராச்சி மந்துவில் இராணுவ முகாம்மீது எறிகணைத் தாக்குதல்.

[புதன்கிழமை, 7 மார்ச் 2007]

யாழ்பாணம் தென்மராச்சி மந்துவில் பகுதியில் 52வது படையணியின் தலமையகம் அமைந்துள்ள பகுதியில் மதியம் 12 மணியளவில் விடுதலைப்புலிகளின் எறிகணைகள் வீழ்ந்து வெடித்துள்ளன. இவற்றுள் இரு எறிகணைகள் முகாமினுள்ளும் மற்றயது முகாமிற்கு வெளியேயும் வீழ்ந்து வெடித்துள்ளன.

இதனையடுத்து அம்புலன்ஸ்கள் பலாலி இராணுவமுகாமிற்கு விரைதுள்ளதாக குடிசார்தகவல்கள் தெரிவிக்கின்ற போதும் இராணுவத்தினர் இது தொடர்பில் எதுவித தகவலையும் வெளியிடவில்லை என்பது குறிப்பிடத்தக்கது.

சில மாதங்களுக்கு முன்னர் இராணுவமுகாம் வரணியில் இருந்ததாகவும் பின்னர் மந்துவில் பகுதிக்கு மாற்றம் பெற்றதாகவும் அறியமுடிகிறது. வரணி மற்றும் கொடிகாமம் இராணுவ முகாம்கள் விடுதலைப்புலிகளின் எறிகணைகளால் அச்சுறுத்தப்படுவதையடுத்தே தலமையகம் மந்துவில் பகுதிக்கு மாற்றப்பட்டதாக தெரியவருகிறது.