[செவ்வாய்க்கிழமை, 6 மார்ச் 2007]
இலங்கையில் தொடருகின்ற ஆட்கடத்தல்கள் தொடர்பில் தற்போது பாதுகாப்புப் படையில் பணியாற்றுபவர்கள் மற்றும் முன்னாள் பாதுகாப்புப் படையினர் ஆகியோர் உட்பட பலர் கைது செய்யப்பட்டுள்ளதாக உயர் பொலிஸ் அதிகாரிகள் தெரிவித்துள்ளார்கள்.
அநுராதபுரம் மாவட்டத்தில் 5 பேரது சடலங்கள் கண்டுபிடிக்கப்பட்டமை குறித்து பொலிஸாரால் நடத்தப்பட்ட செய்தியாளர் சந்திப்பில் பேசுகையிலேயே அவர்கள் இவ்வாறு தெரிவித்துள்ளனர்.
கடந்த சனிக்கிழமை தலைநகர் கொழும்புக்கு அருகேயும் இவ்வாறு 5 பேரது சடலங்கள் கண்டெடுக்கப்பட்டதும் இங்கு குறிப்பிடத்தக்கது.
இலங்கை பொலிஸ் மா அதிபர் விக்டர் பெரேரே தலைமையில் நடந்த இந்த செய்தியாளர் சந்திப்பில் பேசிய, குற்றப்புலனாய்வு பிரிவின் முன்னாள் பணிப்பாளரான, துணை பொலிஸ் மா அதிபர் அசோக விஜயதிலக அவர்கள், முன்னாள் படையினர், தற்போது பணியாற்றுகின்ற இராணுவத்தினர் மற்றும் பொலிஸார் ஆகியோர் இந்த ஆட்கடத்தல்கள் தொடர்பில் கைது செய்யப்பட்டு விசாரணைக்கு உட்படுத்தப்பட்டுள்ளதாகக் கூறினார்.
0 kommentarer:
Post a Comment
உங்களுடைய கருத்தை தெருவிக்கவும்!
நீங்கள் உங்கள் கருத்தை எழுதும் பொழுது தயவுசெய்து முடிந்தவரை தமிழில் எழுதவும்.