இந்தோனேசிய விமான விபத்தில் 22 பேர் பலி, 118 பேர் உயிர் தப்பினர்.

[புதன்கிழமை, 7 மார்ச் 2007]

இந்தோனேசியாவில் புதன்கிழமை காலை விழுந்து நொறுங்கிய பயணிகள் விமானத்தின் உடைந்து நொறுங்கிய பாகங்களைப் பரிசோதிக்க புலன்விசாரணையாளர்கள் மத்திய ஜாவா பிராந்திய நகரான யொக்யகர்தாவுக்கு வந்தடைந்தனர்.

22 பேர் இந்த விபத்தில் கொல்லப்பட்டனர், 118 பேர் உயிர்தப்பினர்.

விமானத்தின் பயணத் தகவல் பதிவு செய்யும் கருவி மீட்கப்பட்டுள்ளது. பூர்வாங்கத் தகவல்களின் படி, தொழில்நுட்ப காரணங்களாலேயே இந்த விபத்து நேரிட்டிருக்கலாம் என்று புலன்விசாரணை செய்யும் குழுவின் தலைவர் கூறினார்.

அரசுக்குச் சொந்தமான கருடா விமான நிறுவனத்தின் இந்த விமானம், தரையிறங்கும்போது கடுமையாகக் குலுங்கியதாக நேரில் கண்டவர்கள் கூறுகிறார்கள்.

அது ஓடுதளத்திலிருந்து வழுக்கி விலகிச் சென்றும், இயந்திரம் ஒன்று செயலழிந்த நிலையில், எல்லையோர சுவர் ஒன்றின் மீது மோதிய பின்னர், நெல் வயலொன்றின் மீது ஓடி நின்றது.

விமானம் வெடிப்பதற்கு முன்னதாக, பல பயணிகள் அவசரகாலக் கதவுகள் வழியாக வெளியே குதித்தனர்.