[புதன்கிழமை, 7 மார்ச் 2007]
இலங்கையின் கிழக்கே திருகோணமலை மாவட்டத்தில், மூதூர் பகுதியில் கடந்த ஆண்டு ஆகஸ்டு மாதம் பிரான்ஸ் நாட்டைச் சேர்ந்த சர்வதேச தொண்டர் நிறுவனமான அக்ஸன் பெயிம் அமைப்பின் ஊழியர்கள் 17 பேர் மரணமான சம்பவம் ஒரு கொலைச் செயல் என, அது குறித்த மரண விசாரணையில் தீர்ப்பு வழங்கப்பட்டுள்ளது.
திருகோணமலை மாவட்டம் கந்தளாய் நீதிமன்றத்தில் நடந்த இது தொடர்பான மரண விசாரணையின் போது அநுராதபுரம் நீதிபதி வசந்த ஜினதாச இந்தத் தீர்ப்பை அறிவித்தார்.
அத்துடன் இந்த மரணங்கள் குறித்த புலன் விசாரணைகளை பொலிஸார் தாமதமின்றி நடத்த வேண்டும் என்றும், சாட்சிகளுக்கு தேவைப்படும் பட்சத்தில் போதிய பாதுகாப்பு வழங்கப்பட வேண்டும் என்று நீதவான் உத்தரவிட்டார்.
இந்த மரண விசாரணைகளின் போது, சர்வதேச சட்ட வல்லுனர் அமைப்பைச் சேர்ந்த சட்டத்தரணி மைக்கல் ஜிம்பொங் மற்றும் சர்வதேச சட்ட வல்லுனர் ஆணைக்குழுவைச் சேர்ந்த சட்டத்தரணி குஸ்னகன் ஆகியோர் நீதிமன்றில் சமூகமளித்திருந்தனர்.
மூதூரில் இடம்பெற்ற இந்தச் சம்பவத்தின் போது அக்ஸன் பெயிம் அமைப்பைச் சேர்ந்த இலங்கைப் பணியாளர்கள் 17 பேர் படுகொலை செய்யப்பட்டிருந்தனர்.
0 kommentarer:
Post a Comment
உங்களுடைய கருத்தை தெருவிக்கவும்!
நீங்கள் உங்கள் கருத்தை எழுதும் பொழுது தயவுசெய்து முடிந்தவரை தமிழில் எழுதவும்.