இது குறித்து பிரித்தானிய அனைத்துக் கட்சி நாடாளுமன்றக் குழுவின் தலைவரும் இல்பேர்ட் வடக்கு நாடாளுமன்ற உறுப்பினருமான லீ ஸ்கோர்ட் நேற்று வெளியிட்டுள்ள அறிக்கையில்,
இப் போர்க்குற்றங்கள் தொடர்பில் சுயாதீனமான சர்வதேச விசாரணைகள் மேற்கொள்ளப்படுவதே சர்வதேச சமூகத்தை திருப்திப்படுத்தும் எனவும் தெரிவிக்கப்பட்டுள்ளது.
அத்துடன் இப் போர்க்குற்றங்கள் மற்றும் மனிதவுரிமை மீறல்கள் தொடர்பில் அமெரிக்க செனட் சபை, தெற்கு மற்றும் மத்திய ஆசிய விவகாரங்களுக்கான அமெரிக்காவின் துணை இராஜாங்க அமைச்சர் ரொபர்ட் ஓ பிளேக் வெளியிட்ட கருத்துக்களை சுட்டிக் காட்டியே லீ ஸ்கோர்ட், போர்க்குற்றங்கள் தொடர்பில் அரசாங்கத்தின் உண்மைகளைக் கண்டறிவதற்கான நல்லிணக்க ஆணைக்குழு சர்வதேச நியமங்களுக்கு ஏற்றவகையில் இவ்விசாரணைகளை மேற்கொள்ள வேண்டும் எனவும் வலியுறுத்தியுள்ளார்.
இப் போர்க்குற்றங்கள் மற்றும் மனித உரிமை மீறல்கள் தொடர்பில் சர்வதேச நியமங்களுக்கு ஏற்றவகையில் விசாரணைகள் மேற்கொள்ளப்படாத பட்சத்தில் பொருளாதார தடைகளை எதிர்கொள்வதற்கு நிர்ப்பந்திக்கப்படும் எனவும் இவ்வறிக்கையில் அவர் குறிப்பிட்டுள்ளார்.
ஈழத்தமிழ் மக்கள் தமது அரசியல் உரிமைகளையும் நீதியையும் பெற்றுக்கொள்வதற்கு நீண்டகாலம் காத்திருப்பதாக இவ்வறிக்கையில் குறிப்பிட்டுள்ள லீ ஸ்கோர்ட் தமிழ் மக்களின் வாழ்வாதார நிலைமைகள் மேலும் மோசமடைந்து செல்வதாகவும் தெரிவித்துள்ளார்.
அத்துடன் ஜனாதிபதி மகிந்த ராஜபக்ஷவின் ஆட்சியில் தமிழ் மக்கள் மட்டுமல்ல. சிங்கள புத்திஜீவிகள், ஊடகவியலாளர்கள் மற்றும் மனித உரிமை செயற்பாட்டாளர்களும் பெரும் அச்சுறுத்தலுக்குள்ளாகி வருவதாகவும் கொன்சவேர்ட்டிவ் கட்சியின் நாடாளுமன்ற உறுப்பினர் லீ ஸ்கோர்ட் சுட்டிக் காட்டியுள்ளார்.
0 kommentarer:
Post a Comment
உங்களுடைய கருத்தை தெருவிக்கவும்!
நீங்கள் உங்கள் கருத்தை எழுதும் பொழுது தயவுசெய்து முடிந்தவரை தமிழில் எழுதவும்.