கார்த்திகை மலராய் பூத்தாய்
கண்ணென எம்மைக் காத்தாய்
போர்த்திறன் பொழியச் செய்தாய்
பொய்கையாய் குளிரச்செய்தாய்
நேத்தியாய் யாவும் செய்த
நெஞ்கனே உன்னை கண்ணால்
பார்த்திடும் நாளே பொன் நாள்
பார்த்திடக் காண்பேன் அந் நாள்!
இருண்டதாய் வானம் என்றும்
இருந்ததே இல்லை: ஒன்று
திரணடெழும் முகில்கள் மழையாய்
பெய்வதே உண்மை கொஞ்சம்
பொறுத்திடும் காலம்.. பொறுப்போம்
பொறுமையும் மீறும் போதில்
இருக்கிறான் தலைவன்: அவனை
எதிர்த்திட எவனும் இருக்கான்!
சித்திரை நிலவே: எங்கள்
சித்திர வடிவே! மண்ணில்
எத்திசை நோக்கி உன்னை
எப்படி அடைவோம்? ஜயோ1
புத்தரின் சீடா; தம்மால்
பொசுங்குவதே பூமி பாராய்:
பத்தரை மாற்றுத் தங்கம்
பாய்ந்தொடி வாடா சிங்கம்
செம்மொழி வாழும்: வாழும்
செந்தமிழ் வீரம் வாழும்
நம் உயிர்த் தலைவன் வாழ்வான்
நற்றமிழ் ஈழம் ஆள்வான்
கும்மிருள் கலைவான்: தேசக்
கொடியுடன் நிமிர்வோம்: உண்மை!
ஏம்மினம் பெற்ற பேறே
உந்தனுக்கு ஆயுள் நூறே!
வன்னியில் இருந்து சீராளன்
0 kommentarer:
Post a Comment
உங்களுடைய கருத்தை தெருவிக்கவும்!
நீங்கள் உங்கள் கருத்தை எழுதும் பொழுது தயவுசெய்து முடிந்தவரை தமிழில் எழுதவும்.