[திங்கட்கிழமை, 21 செப்ரெம்பர் 2009]இலங்கைத் தீவில் வாழும் மக்களிற்கு தனித் தமிழீழமே சரியான தீர்வாக அமையும் என வட்டுக் கோட்டைத் தீர்மானம் எடுத்துரைக்கின்றது. அத் தீர்மானம் தொடர்பாகவும் கனடியத் தமிழர்களின் கருத்தினை வெளிப்படுத்தி கருத்துக் கணிப்பு வாக்கெடுத்து நடத்துவது தொடர்பானதுமான முதலாவது கொள்கைவிளக்கக் கூட்டம் ஞாயிற்றுக் கிழமை மாலை கனடா கந்தசாமி ஆலய மண்டபத்தில் நடைபெற்றது.
இலங்கைத் தீவிற்கு வெளியே கணிசமான எண்ணிக்கையில் ஈழத் தமிழர்கள் வாழும் நாடாகக் கனடிய தேசம் விளங்குகின்றது. இந்தவகையில் இலங்கைத் தீவில் எவ்வாறான தீர்வு தமிழர்களிற்கு வேண்டும் என்பதனை வெளிக்காட்டும் ஓர் நிகழ்வாக இக் கருத்துக்கணிப்பு வாக்கெடுப்பு நிகழவுள்ளது.
இக்கருத்துக் கணிப்பு வாக்கெடுப்புத் தொடர்பாக இதனை ஒழுங்கு செய்பவர்களால் பொதுமக்களிற்கு விளக்கமளிக்கும் முதலாவது பொதுக்கூட்டம் ஒழுங்குபடுத்தப்பட்டிருந்தது.
இக்கூட்டத்தினில் இவ்வாக்கெடுப்புத் தொடர்பாக விளக்கமளிக்கப்பட்டதுடன் பொதுமக்களின் கருத்துக்களும் உள்வாங்கப்பட்டதுடன் அதன் முக்கியத்துவம் குறித்தான பலரின் உரைகளும் இடம்பெற்றன.
இவ் வட்டுக்கோட்டைத் தீர்மானமான தமிழீழமே தமிழர்களிற்கான நிரந்தரத் தீர்வாக அமையும் எனும் இக்கருத்துக்கணிப்பு வாக்கெடுப்பானது, தமிழீழம் மீதான தமிழர்களின் முடிவினை மீளவும் உறுதிசெய்வதாக அமையும்.
இதே போன்று நோர்வே நாட்டிலும் வட்டுக்கோட்டைத் தீர்மானம் மீதாக கருத்தறியும் கருத்துக்கணிப்பு நடாத்தப்பட்டதும் அதில் தமிழர்கள் பெருவாரியாக தமிழீழக் கோட்பாட்டிற்கு ஆதரவாக வாக்களித்ததும் குறிப்பிடத்தக்கது.
0 kommentarer:
Post a Comment
உங்களுடைய கருத்தை தெருவிக்கவும்!
நீங்கள் உங்கள் கருத்தை எழுதும் பொழுது தயவுசெய்து முடிந்தவரை தமிழில் எழுதவும்.