[செவ்வாய்க்கிழமை, 12 பெப்ரவரி 2008]ஜனாதிபதி மஹிந்த ராஜபக்ஷவினால் மாலைத்தீவு ஜனாதிபதி மஹ்மூத் அப்துல் கையூமிக்கு லங்கா மித்ர விபூசன என்ற சிறப்புப் பட்டம் இன்று வழங்கப்படவுள்ளது. இது தொடர்பான வைபவம் இன்று மாலை ஜனாதிபதி செயலகத்தில் நடைபெறுமென அறிவிக்கப்பட்டுள்ளது.
சுவாத்திய வேறுபாடுகள் குறித்து மாலைத்தீவு ஜனாதிபதி ஆற்றியுள்ள சேவையைப் பாராட்டும் வகையிலேயே இலங்கையில் வழங்கப்படும் இந்த உயர் தேசிய கௌரவப் பட்டடம் அவருக்கு வழங்கப்படவுள்ளதாக அரச தகவல் திணைக்களம் தெரிவித்துள்ளது.
மாலைத்தீவு ஜனாதிபதி மஹ்மூத் அப்துல் கையூம் ஜனாதிபதி மஹிந்த ராஜபக்ஷவை இன்று பிற்பகல் 4 மணியளவில் ஜனாதிபதி செயலகத்தில் சந்தித்துக் கலந்துரையாடவுள்ளார்.இச்சந்திப்பின் பின்னர் இலங்கையும் மாலைத்தீவும் முக்கிய இருதரப்பு உடன்படிக்கைகளில் கைச்சாத்திடவுள்ளதாகவும் செயலகம் தெரிவித்துள்ளது.
மாலைத்தீவு ஜனாதிபதி மஹ்மூத் அப்துல் கையூம், அவரது பாரியார் நஸ்ரினா கையூம் மற்றும் வெளிவிவகார அமைச்சர் அப்துல்லாஹ் ஷாஹிட் உட்பட அரச உயர் மட்டக்குழுவினர் ஆகியோர் இரண்டு நாள் உத்தியோகபூர்வ விஜயமொன்றை மேற்கொண்டு இன்று இலங்கை வருகின்றனர்.
2005 டிசம்பர் தேர்தலில் ஜனாதிபதியாகத் தெரிவு செய்யப்பட்டதன் பின்னர் 2006 பெப்ரவரியில் மாலைத்தீவுக்கு விஜயம் செய்த ஜனாதிபதி மஹிந்த ராஜபக்ஷ மாலைத்தீவு ஜனாதிபதிக்கு இலங்கைக்கு விஜயம் செய்யும்படியும் அழைப்பு விடுத்திருந்தார். அந்த அழைப்பையேற்றே இத்தூதுக்குழு இலங்கை வந்துள்ளதாகவும் செயலம் மேலும் குறிப்பிட்டுள்ளது.
No comments:
Post a Comment
உங்களுடைய கருத்தை தெருவிக்கவும்!
நீங்கள் உங்கள் கருத்தை எழுதும் பொழுது தயவுசெய்து முடிந்தவரை தமிழில் எழுதவும்.