[செவ்வாய்க்கிழமை, 12 பெப்ரவரி 2008]மன்னார் உயிலங்குளம் படை முகாம் மற்றும் தள்ளாடி படைமுகாம் ஆகியவற்றில் இருந்து படையினர் திருகேதீஸ்வரம் பகுதியினுடாக இன்று அதிகாலை விடுதலைப்புலிகளின் பகுதிகளுக்குள் முன்நகர்வை மேற்கொண்டனர்.
படை முகாம்களில் இருந்து இன்று காலை 8.00 மணிமுதல் விடுதலைப்புலிகளின் பகுதிகளை நோக்கி பாரிய ஷெல் தாக்குதல் எறிகணைக் தாக்குதல், பல்குழல், எறிகணைச்சூட்டாதரவுடன் நகர்வை மேற்கொண்டனர்.
இதனை அடுத்து தொடர்ந்து படையினருக்கும் புலிகளுக்கும் இடையில் கடும் சண்டை இடம் பெற்றது.
இதன் போது சௌத்பார் படைமுகாம், வங்காலை படைமுகாம் ஆகிய வற்றில் இருந்து விடுதலைப்புலிகளின் கட்டுப்பாட்டுப்பகுதியை நோக்கி கடும் ஷெல் தாக்குதலை மேற்கொண்ட பின்னர் இரு தரப்பினரும் பரஸ்பர எறிகணைத் தாக்குதல்களை காலை 8.00 மணி முதல் காலை 10.30 மணிவரை மேற்கொண்டனர்.
இதன் போது விடுதலைப் புலிகள் ஏவிய எறிகணைகள் தள்ளாடிபடை முகாம், தள்ளாடிப்படை முகாமை அண்டிய பகுதிகளிலும் வீழ்ந்து வெடித்துள்ளது.
இதில் 15 சிறிலங்காப் படையினர் கொல்லப்பட்டுள்ளனர். 50-க்கும் அதிகமான படையினர் காயமடைந்துள்ளனர்.
இதன் போது பாரிய புகை மண்டலம் உருவாகியதைக் காணக்கூடியதாக இருந்தது. இத் தாக்குதல்களைத் தொடர்ந்து மன்னார் வவுனியா போக்குவரத்து மன்னார் மதவாச்சி ஊடான போக்கு வரத்துக்கள் நிறுத்தப்பட்டது.
No comments:
Post a Comment
உங்களுடைய கருத்தை தெருவிக்கவும்!
நீங்கள் உங்கள் கருத்தை எழுதும் பொழுது தயவுசெய்து முடிந்தவரை தமிழில் எழுதவும்.