மணலாற்றில் பெருமெடுப்பிலான முன்னகர்வு: விடுதலைப் புலிகள் உக்கிரமான எதிர்த்தாக்குதல்

[புதன்கிழமை, 13 பெப்ரவரி 2008] மணலாறு ஜனகபுரப் பகுதியில் சிறிலங்காப் படையினர் மேற்கொண்ட பெருமெடுப்பிலான முன்னகர்வுத் தாக்குதலை எதிர்த்து தமிழீழ விடுதலைப் புலிகள் கடும் எதிர்த்தாக்குதல்களை நடத்தி வருகின்றனர். ஜனகபுரப் பகுதியில் நேற்று முன்நாள் திங்கட்கிழமை முதல் படையினர் மீது தாக்குதல் நடத்தப்பட்டு வருகின்றது. இதில் படைத்தரப்புக்கு இழப்புக்கள் ஏற்படுத்தப்பட்டுள்ளன. மண்கிண்டிமலைப் பகுதியில் நேற்று பல முனைகளில் முன்நகர்ந்த படையினர் மீது விடுதலைப் புலிகள் தாக்குதல் நடத்தி முன்னகர்வுகளை முறியடித்தனர். மணலாறு அரியகுண்டான் பகுதியில் படையினரின் காவலரண்கள் நேற்று விடுதலைப் புலிகளால் அழிக்கப்பட்டன. பிற்பகல் 1:45 முதல் 2:15 மணிவரை இத்தாக்குதல் நடத்தப்பட்டுள்ளது. இதில் படைத்தரப்பு இழப்புக்களைச் சந்தித்துள்ளது. மணலாறு மோதல்களில் 10 படையினர் கொல்லப்பட்டுள்ளனர். 25 படையினர் காயமடைந்துள்ளனர் என்று சிறிலங்காப் படைத்தரப்பு தெரிவித்துள்ளது.