மணலாற்றில் படையினரின் பலமுனை முன்நகர்வு முயற்சிகள் முறியடிப்பு

[திங்கட்கிழமை, 04 பெப்ரவரி 2008] மணலாற்றுப் பகுதியில் சிறிலங்காப் படையினர் மேற்கொண்ட பலமுனை முன்நகர்வு முயற்சிகள் தமிழீழ விடுதலைப் புலிகளால் முறியடிக்கப்பட்டுள்ளன. மணலாறு மண்கிண்டிமலைப் பகுதியில் இருந்து பல முனைகளில் நேற்று ஞாயிற்றுக்கிழமை காலை 8:00 மணி தொடக்கம் படையினர் முன்நகர்வு முயற்சிகளை மேற்கொண்டனர். இம் முன்நகர்வு முயற்சிகளுக்கு ஆதரவாக படையினரின் பின்தளங்களில் இருந்து ஆட்டிலெறி எறிகணைச் சூட்டாதரவும் வழங்கப்பட்டது. பிற்பகல் 4:00 மணிவரை நீடித்த படையினரின் முன்நகர்வு முயற்சிகள் விடுதலைப் புலிகளின் தீவிர தாக்குலின் மூலம் முறியடிக்கப்பட்டன. இதில் பலத்த இழப்புகள் படையினருக்கு ஏற்படுத்தப்பட்டு அவர்கள் விரட்டியடிக்கப்பட்டனர்.