வவுனியா கிளைமோர்த் தாக்குதலில் 2 படையினர் பலி

[புதன்கிழமை, 13 பெப்ரவரி 2008] வவுனியா தட்டான்குளம் பகுதியில் இடம்பெற்ற கிளைமோர்த் தாக்குதலில் 2 சிறிலங்காப் படையினர் கொல்லப்பட்டுள்ளனர். பூவரசங்குளத்திற்கும் செட்டிக்குளத்திற்கும் இடைப்பட்ட பகுதியில் வழக்கமான சுற்றுக்காவல் நடவடிக்கையில் ஈடுபட்ட படையினரைக் குறிவைத்தே இன்று புதன்கிழமை காலை 7:15 மணியளவில் இத்தாக்குதல் நடைபெற்றது. மரம் ஒன்றில் மறைத்து வைக்கப்பட்டிருந்த கிளைமோரைப் பயன்படுத்தி நடைபெற்ற இத்தாக்குதலில் 2 படையினர் படுகாயமடைந்தனர். இவர்கள் வவுனியா மருத்துவமனைக்கு கொண்டு செல்லப்பட்ட பின்னர் அங்கு சிகிச்சை பலனின்றி உயிரிழந்தனர். இதேவேளை இக்கிளைமோர்த் தாக்குதலை அடுத்து அப்பகுதியில் தேடுதல் நடவடிக்கை நடைபெற்று வருவதாக இராணுவப் பேச்சாளர் பிரிகேடியர் உதய நாணயக்கார தெரிவித்தார்.