மன்னாரில் மட்டும் ஜனவரி மாதம் 127 படையினர் பலி- 363 பேர் காயம்

[திங்கட்கிழமை, 11 பெப்ரவரி 2008] மன்னாரில் கடந்த ஜனவரி முதல் சிறிலங்காப் படையினர் மேற்கொண்ட முன்நகர்வுத்தாக்குதல்கள் உள்ளிட்டவற்றில் 127 படையினர் கொல்லப்பட்டனர். 363 படையினர் காயமடைந்தனர். மன்னார் களமுனையில் பாலைக்குழி திருக்கேதீச்சரம் அடம்பன் வீதி-கட்டுக்கரை-பரப்பாங்கண்டல் பண்டிவிரிச்சான்-தம்பனை-முள்ளிக்குளம் விளாத்திக்குளம் ஆகிய முனைகளில் சிறிலங்காப் படையினர் மேற்கொண்ட வலிந்த தாக்குதல்களுக்கு எதிராக தமிழீழ விடுதலைப் புலிகள் மேற்கொண்ட முறியடிப்புத் தாக்குதல்களிலும் விடுதலைப் புலிகளின் குறிசூட்டுத் தாக்குதல்கள் மற்றும் மிதிவெடி பொறிவெடிகளில் சிக்கியும் படையினர் 127 பேர் கடந்த மாதத்தில் கொல்லப்பட்டுள்ளளனர். 363 பேர் காயமடைந்துள்ளனர். இதில் சிறிலங்கா படைத்தரப்பு இழப்புக்கள் பல அறிவிக்காமலும் உள்ளன. சிறிலங்கா தரைப்படையினர் 57 ஆம் டிவிசன் 58 ஆம் டிவிசன் படையினர் இந்த பெரும் வலிந்த தாக்குதல்களில் ஈடுபட்டுள்ளனர்.