யாழில் மேஜர் முரளி உள்ளிட்ட 10 வேங்கைகளின் வீரவணக்க நிகழ்வு

[ஞாயிற்றுக்கிழமை, 23 டிசெம்பர் 2007] இந்திய இராணுவத்துடனான நேரடி மோதலின்போது வீரச்சாவினை தழுவிக்கொண்ட முன்னாள் மாணவர் அமைப்பு பொறுப்பாளர் மேஜர் முரளி உள்ளிட்ட 10 வேங்கைகளின் 20 ஆம் ஆண்டு நினைவு நிகழ்வு உரும்பிராயில் நடைபெற்றது. உரும்பிராயில் 10 வேங்கைகள் வீரச்சாவடைந்த இடத்தில் நிறுவப்பட்டுள்ள தூபிக்கு மலர்மாலை அணிவித்து நினைவுச்சுடர் ஏற்றி வீரவணக்கம் செலுத்தப்பட்டது. பொதுமக்களால் நிறுவப்பட்டிருந்த 10 வேங்கைகளின் நினைவுத்தூபியை சிறிலங்காப் படையினர் கடந்த ஆண்டு சிதைத்திருந்தனர். சிதைக்கப்பட்ட தூபியை சீர்படுத்தி பாரிய கொலை அச்சுறுத்தல்களுக்கு மத்தியில் யாழ். மாணவர் சமூகம் இவ்வீரவணக்க நிகழ்வை நடத்தியுள்ளது. இந்நிகழ்வில் அப்பகுதி பொதுமக்களும் கலந்துகொண்டனர்.