புத்தர் கோவிலிலிருந்து புனித யானைத் தந்தங்களை திருட ஜே.வி.பி. நா.உ. முயற்சி.!

[செவ்வாய்க்கிழமை, 9 ஒக்ரொபர் 2007] கொட்டேகொட புத்த கோவிலிலிருந்து புனித யானைத் தந்தங்களை ஜே.வி.பி.யின் நாடாளுமன்ற உறுப்பினர் பிரேமசிறீ மனகே திருட முயற்சித்ததாக அக்கோவிலின் தலைமை பிக்கு குற்றம் சாட்டியுள்ளார். இந்தக் கொள்ளை முயற்சியைக் கண்டித்து மாத்தறையில் நேற்று திங்கட்கிழமை 50-க்கும் மேற்பட்ட பௌத்த பிக்குகள் மற்றும் பொதுமக்கள் ஆர்ப்பாட்டம் நடத்தினர். கொட்டேகொடவில் சிறி சுதர்சனபிம்பரமய கோவில் உள்ள்ளது. அக்கோவிலின் பாடசாலையில் 1989-க்கு முன்னர் பிரேமசிறீ பாடசாலை ஆசிரியராக பணிபுரிந்துள்ளார். கோவிலில் உள்ள புனித யானைத் தந்தங்களை கொள்ளையடிக்க முயற்சித்த கும்பல் காவல்துறையினர் வசம் ஒப்படைக்கப்பட்ட போதும் ஜே.வி.பி. நாடாளுமன்ற உறுப்பினர் பிரேமசிறீ அவர்களைப் பாதுகாப்பதாகவும் அக்கோவிலின் தலைமை பிக்கு கூறியுள்ளார்.