மணலாற்றில் விடுதலைப் புலிகள் - படையினர் மோதல்

[ஞாயிற்றுக்கிழமை, 17 பெப்ரவரி 2008] மணலாற்றுக் களமுனையில் தமிழீழ விடுதலைப் புலிகளுக்கும் சிறிலங்காப் படையினருக்கும் இடையில் கடும் மோதல் இடம்பெற்றுள்ளது. மணலாறு கொக்குத்தொடுவாய்- மண்கிண்டிமலை- ஜனகபுர பகுதியில் நேற்று சனிக்கிழமை முற்பகல் 9:00 மணிமுதல் மாலை 5:00 மணிவரை இம் மோதல் இடம்பெற்றது. படையினர் செறிவான எறிகணை வீச்சுத் தாக்குதலை நடத்தி இம் மோதலில் ஈடுபட்டனர். இதில் படைத்தரப்பினருக்கு பலத்த இழப்புக்கள் ஏற்பட்டன. இதனிடையே நேற்று காலை 8:50 மணிக்கு கொக்குத்தொடுவாய்ப் பகுதியில் கிளைமோர்த் தாக்குதலை நடத்த ஊடுருவிய படையினர் மீது விடுதலைப் புலிகள் தாக்குதல் நடத்தினர். இதில் பலத்த இழப்புக்களுடன் படையினர் பின்வாங்கி ஓடினர். இதன் போது படையினர் கொண்டு வந்த கிளைமோர்கள் - 04 வெடிப்பிகள் - 4 என்பன விடுதலைப் புலிகளால் கைப்பற்றப்பட்டுள்ளன.