[சனிக்கிழமை, 16 பெப்ரவரி 2008]இலங்கைப் படையினருக்கும் விடுதலைப் புலிகளுக்கும் இடையிலான மோதல்களினால் இடம்பெயர்ந்த மக்களுக்குத் தேவையான உணவுகளை வழங்க 44 மில்லியன் அமெரிக்க டொலர்கள் தேவைப்படுவதாக ஐ.நா. முகவர் நிறுவனமான உலக உணவுத் திட்டம் தெரிவித்திருக்கிறது.
உலக உணவுத் திட்டம் 10 இலட்சத்துக்கும் மேற்பட்ட இலங்கை மக்களுக்கு உணவுகளை விநியோகித்து வருவதுடன் அதில் 4 இலட்சம் பேர் உள்நாட்டில் இடம்பெயர்ந்திருக்கின்றனர்.
யாழ்ப்பாணம் மற்றும் வவுனியா மாவட்டங்களில் மோதல்கள் அதிகரித்திருப்பதால் அங்குள்ள மக்களுக்கு உணவுகளை வழங்க 11 மில்லியன் அமெரிக்க டொலர்கள் உடனடியாக தேவைப்படுவதாக உலக உணவுத் திட்டத்தின் வதிவிடப் பணிப்பாளரான மொஹமட் சலேஹீன் தெரிவித்திருக்கிறார்.
இந்த வருட முடிவிற்குள் 44 மில்லியன் டொலர்கள் தேவைப்படுவதாக சுட்டிக்காட்டியிருக்கும் மொஹமட் சலேஹீன் உள்நாட்டில் கொள்வனவுகளை மேற்கொள்ள உதவித் தொகைகள் போதியளவு விரைவில் கிடைக்காமையால் தங்களது நடவடிக்கைகள் பாதிக்கப்படுவதாகவும் தெரிவித்திருக்கிறார்.
இதேநேரம், ஐ.நா. கொடியுடன் கூடிய ட்ரக் வண்டிகளை பராமரிக்கவும் மற்றும் கொழும்புக்கும் யாழ்ப்பாணத்துக்கும் இடையிலான ஐ.நா. மனிதாபிமான விமான சேவைப் பிரிவை தொடரவும் உலக உணவுத் திட்டத்துக்கு 2.8 மில்லியன் டொலர்கள் பற்றாக்குறையாக இருப்பதாகவும் கூறப்பட்டுள்ளது.
No comments:
Post a Comment
உங்களுடைய கருத்தை தெருவிக்கவும்!
நீங்கள் உங்கள் கருத்தை எழுதும் பொழுது தயவுசெய்து முடிந்தவரை தமிழில் எழுதவும்.