சிறீலங்காக் கடற்படையின் தாக்குதலிலேயே கடற்தொழிலாளி கொல்லப்பட்டார் - தமிழக முதல்வர்

[திங்கட்கிழமை, 11 பெப்ரவரி 2008] சிறீலங்கா கடற்படையினரின் தாக்குதலிலேயே தமிழகம் புதுக்கோட்டையைச் சேர்ந்த கடற்தொழிலாளர் ஒருவர் கொல்லப்பட்டதாக தமிழக முதல்வர் மு.கருனாநிதி தெரிவித்துள்ளார். இதுகுறித்து மத்திய அரசிடம் தெரிவிக்கையில், கடந்த சனிக்கிழமை தனுஷ்கோடி கடற்கரையில் கடற்தொழிலில் ஈடுபட்ட மீனவர்கள் மீது சிறீலங்கா கடற்படையினர் தாக்குதல்களை நடத்தியுள்ளனர். இதன்போது புதுக்கோட்டையைச் சேர்ந்த 35 அகவையுடைய தங்கபாண்டி கொல்லப்பட்டுள்ளார். சம்பவத்தில் மேலும் இருவர் உயிர் தப்பியுள்ளனர். எனவே இது தொடர்பில் சிறீலங்கா அரசாங்கத்துடன் பேச்சுக்களில் ஈடுபட்டு இப்பிரச்சினையை முடிவுக்கு கொண்டு வருமாறு தமிழக முதல்வர் மத்தியரசிடம் நேற்று ஞாயிற்றுக்கிழமை வலியுறுத்தியுள்ளார். அத்துடன் சிறீலங்காப் கடற்படையினரின் தாக்குதலில் கொல்லப்பட்ட கடற்தொழிலாளர் குடுபத்திற்கு ஒரு இலட்சம் இந்திய ரூபாக்களை இழப்பீடாக வழங்குமாறு புதுக்கோட்டை மாவட்ட ஆட்சியாளரிடம் தமிழக முதல்வர் கட்டளையிட்டுள்ளார்.