ஏறாவூரில் கருணா ஒட்டுக்குழு உறுப்பினர் சுட்டுக்கொலை

மட்டக்களப்பு ஏறாவூர் ஜீவபுரம் பகுதியில் கருணா ஒட்டுக்குழு உறுப்பினர் ஒருவர் இனம் தெரியாதோரால் சுட்டுக்கொல்லப்பட்டுள்ளார். கந்தசாமி தேவராஜா என்ற இந்த ஒட்டுக்குழு உறுப்பினர் திங்கட்கிழமை இரவு 10.00 மணியளவில் உறவினர் வீட்டிற்குச் சென்றபோது சுட்டுக்கொல்லப்பட்டுள்ளார். நேற்று கண்டுபிடிக்கப்பட்ட இவரது உடலம் விசாரணைகளுக்குப் பின்னர் அவரது உறவினர்களிடம் கையளிக்கப்பட்டுள்ளது. உலக தரிசனம் என்ற வெளிநாட்டு தொண்டர் அமைப்பில் பணிபுரிந்த தேவராஜா, அதிலிருந்து விலகி கருணா ஒட்டுக் குழுவுடன் இணைந்து கொண்டவர் என உறவினர் ஒருவர் தெரிவித்துள்ளார்.