கொழும்பு குண்டு வெடிப்பு: அமெரிக்கா கண்டனம்

[திங்கட்கிழமை, 04 பெப்ரவரி 2008] சிறிலங்காவின் தென்பகுதியில் இடம்பெற்ற மூன்று குண்டுவெடிப்புச் சம்பவங்களுக்கு அமெரிக்கா தனது கண்டனங்களை தெரிவித்துள்ளது. இது தொடர்பில் மேலும் தெரிவித்துள்ளதாவது: தம்புள்ள பேருந்து, தெகிவளை மிருகக்காட்சிச்சாலை, புறக்கோட்டை தொடருந்து நிலையம் அகியவற்றில் இடம்பெற்ற குண்டுவெடிப்புக்களை அமெரிக்கா வன்மையாக கண்டிக்கின்றது. நாளை நடைபெற உள்ள சுதந்திர நாள் கொண்டாட்டங்களின் போது பதற்றகரமான சூழலை உருவாக்கும் நோக்குடன் பொதுமக்கள் குறிவைக்கப்பட்டுள்ளனர் என்று அதில் தெரிவிக்கப்பட்டுள்ளது. இதனிடையே கடந்த வாரம் பெரிய மடுப்பகுதியில் படையினரின் ஆழ ஊடுருவும் படையினர் நடத்திய கிளைமோர்த் தாக்குதலில் 11 பாடசாலை சிறுவர்கள் உட்பட 20 பேர் கொல்லப்பட்டதையும், 8 சிறுவர்கள் உட்பட 14 பேர் காயமடைந்ததையும் கண்டனம் செய்யாத அமெரிக்கா கொழும்பு குண்டுவெடிப்புக்களை கண்டித்திருப்பது தமிழ் மக்களுக்கு எதிரான அதன் விரோதப் போக்கை தெளிவாகக் காட்டியிருப்பதாக அவதானிகள் கருத்துத் தெரிவித்துள்ளனர்.