தீர்வுத் திட்டத்தை தயாரிப்பதில் ஆலோசனை குழு மும்முரம்

தீர்வுத் திட்டத்தை தயாரிப்பதில் ஆலோசனை குழு மும்முரம் நிபுணர்கள் குழுவின் யோசனைகள் சிலவும் உள்ளடக்கப்படும் இனப்பிரச்சினைக்கு தீர்வு காண்பதற்கான திட்டத்தை தயாரிப்பதற்காக நியமிக்கப்பட்டுள்ள சர்வகட்சி ஆலோசனைக் குழுக்கூட்டத்தில் கடந்த காலங்களில் விரிவாக ஆராயப்பட்டு சகல கட்சி பிரதிநிதிகளாலும் ஏற்றுக்கொள்ளப்பட்ட விடயங்கள் அடங்கிய சுருக்கக் கோவை தற்பொழுது தயாரிக்கப்படுகின்றது இந்த கோவை சர்வ கட்சி குழுவுக்கும் ஜனாதிபதிக்கும் விரைவில் அனுப்பிவைக்கப்படும். என சர்வகட்சி ஆலோசனை குழுவின் தலைவரும்அமைச்சருமான திஸ்ஸ வித்தாராண தெரிவித்தார். அந்த கோவையில் நிபுணர்கள் குழுவினால் சமர்ப்பிக்கப்பட்டுள்ள யோசனைகளில் சிலவும் சேர்த்துக்கொள்ளப்படும். மஹிந்த சிந்தனைக்கு பங்கம் ஏற்படுத்தாத வகையிலும் ஐக்கிய இலங்கைக்குள் அதிகாரத்தை பகிர்வது தொடர்பாக நிபுணர்கள் குழுவினால் முன்வைக்கப்பட்டுள்ள யோசனைகள் மட்டுமே சர்வ கட்சி ஆலோசனை குழுவினால் தயாரிக்கப்பட்டுக்கொண்டிருகின்ற கோவையில் உள்ளடக்கப்படும். என்றும் அவர் மேலும் தெரிவித்தார்.